Од незнаењето доаѓа стравот, од стравот произлегува нетолерантноста, па затоа за нас е од исклучителна важност да имаме афирмативен пристап во едуцирањето на публиката како клучен фактор за прифаќање.
За елиминација на сите форми на насилство врз нехетеросексуалните луѓе и дискриминацијата на основа на сексуална ориентација, родов идентитет и родова експресија, од витално значење е борбата против говорот на омраза широко распространет во општеството како резултат на моменталните стереотипи и предрасуди. Најдобриот начин да се изгради позитивна перцепција во јавноста за луѓето кои живеат надвор од традиционалниот општествен модел базиран на хетеросексуалност, хетеронормативност и бинарна логика на родовиот систем, и да се изврши влијание на процесот на социјална инклузија на маргинализираните групи, е преку промоција на човековите права и владеење на правото.
Зачленувањето во Женска Алијанса е доброволно и бесплатно. Пополнете го формуларот, а ние ќе се обидеме да ве контактираме за да направиме верификација на вашата е-пошта. Со самото аплицирање за членство, вие потврдувате дека сте го прочитале нашиот Статут, дека го разбирате и дека се согласувате да бидете обврзани со него.
